Jo rishta bhi dil ne chunna hai
Teray gham ki simat khula hai
Paani pe jo harf likha tha
Dekho kaisay tehar gaya hai
Dhalti shaam kay saye saye
Tu hai , tera gham hai , kiya hai
Aag bujhay to muddat guzri
Aankhon main kiya phail raha hai ?
Aik sawaal mila tha mujh ko
MAin ne tujh ko maang liya hai
Youn lagta hai jaisay koi
Mujh ko musalsal dekh raha hai
Shaam ki ungli thaam kay suraj
Bhooka piyasa loat raha hai
Tashat-e-falak main taaray bhar kar
Chaand kissay milnay jaata hai
Baarish ki awaaz se amjad
Shaher ka chehra khil utha hai
Poet : Amjad Islam Amjad
No comments:
Post a Comment