Juda honay kay mousam main juda hona zaroori tha
Na'janay kiyon kisi ka be'wafa hona zaroori tha
Meray dil ne jo us ko poojnay ki intihaa kar di
To phir us be'wafa ka bhi, khuda hona zaroori tha
Kisi se koi bhi shikwa na koi bhi shikayat hai
Jo meray saath chahat main hua , hona zaroori tha
Bhout nazdeek thay dil, is liye ab dooriyaan bhi hain
Dilon kay darmiyaan kuch faasla hona zaroori tha
Ussay bhi dard denay ka bhout hi shok tha
Hamain bhi dard-o-gham se ashnaa hona zaroori tha
No comments:
Post a Comment