Kissay Khabar Thi
Woh zard mousam ki aakhri shab
Hajoom-e-hum khwaab'gaan main baitha
Bahaar kay pehlay phool ka zikar kar raha tha
Aur apnay kal kay liye Sunehri shagoon lenay ko
Is kay khilnay ka muntazir tha
Kissay khabar thi
Keh ab kay mousam
Bahaar kay pehlay phool ko bhi
Shaguft kay mohjazay ki khatar
Usi ki matti ka asraa tha
Parveen Shakir
No comments:
Post a Comment