Kitnay achay din hotay thay

Kitnay achay din hotay thay 

Jab hum khushboo ke saathi thay 

Koi hamari aankhon par haath rakh kar 

poocha tha 

Main kon hon boojho ?

Aur hum jo khushboo kay saathi thay , keh detay thay

"Tum Khushboo Ho"

Khushboo yak'dam hans deti thi 

kitnay achay din hotay thay 

Kitnay achat din thay jab khushboo ko apnay saath liye 

Jugnoo ka peecha kartay thay 

Din raat mehaktay rehtay thay 

Kabhi khushboo khud chup jaati thi

Aur kabhi hum us se chupptay thay

Youn aankh macholi rehti thi 

Hum us ko dhoond kay khush hotay thay 

Woh paa kay hamain khush hoti thi 

Kitnay achay din hotay thay 

Kitnay achay din hotay thay jab khushboo hum se poochti thi 

"Hum bichar gaye to kiya ho ga "

Hum is ko bas yeh kehtay thay 

"Chup aisi baat nahin kartay"

Aur khushboo soch main kho jaati thi 

kitnay achay din hotay thay 

Aur phir ik din aisa aya 

Aankh macholi khailnay wali khushboo ko hum khud kho baithay 

(Khushboo aakhir khushboo thi na)

Hum jo khushboo kay saathi thay tanha tehray

Ab hum guzray dino ko aksar 

Tanhai main soch kay bas yeh keh detay hain 

"Kitnay achay din hotay thay 

Jab hum khushboo kay saathi thay"

Poet : Rzi-ud-din rzi