Kuch door hamaray saath chalo
Hum dil ki kahani keh dain gay
Samjhay jissay na tum aankhon se
Woh baat zubaani keh dain gay
Phoolon ki tarah jab honton pe
Ek shokh tabasum bikhray ga
Dheeray se tumharay kaano main
Ek baat ouraani keh dain gay
Izhaar-e-wafa tum kiya jano
Iqraar-e-wafa tum kiya jaano
Hum zikar karain gay ghairon ka
Aur apni kahani keh dain gay
No comments:
Post a Comment