Na woh iqraar karta hai na woh inkaar karta hai
Hamain phir bhi gumaan hai woh hami se pyaar karta hai
Mundairon se koi manoos si awaaz ati hai
Koi to yaad hum ko bhi pas-e-dewaar karta hai
Yeh us kay pyaar ki baatein faqat qissay puranay hain
Bhala kachay gharay par kon dariya paar karta hai
hamain yeh dukh keh woh aksar kai mousam nahin milta
Magar milnay ka wada hum se woh har baar karta hai
"Hasaan" raaton ko jab sab log meethi neend sotay hain
To ik khawwab ashnaa chahera hamain bai'daar karta hai
Poet : Hasaan Rizvi
No comments:
Post a Comment