Nazar-E-Faraz
Aam bulawa tha sabhi log thay shorish main shreek
Pas-e-parda thi siyasat kahin saazish main shreek
Aaj asloob-e-mohabbat main akelay nahin hum
Shaher ka shaher hai is tarz-e-nigaarish main shreek
Ab kay sawan bhi manaya hai moharram ki tarah
Chishm-e-giriyaan bhi rahi hijar ki baarish main shreek
Sheikh ne aik zamanay ki ibaadat ki hai
Aur rakha hai khuda ko bhi pristish main shreek
Ae meri jaan-e-tamana yeh tamana hai meri
Daaman-e-koh main hum dono hon baarish main shreek
Rang urtay huye dekhay hain gulaab kay "Turaab"
Woh pari chehra tha phoolon ki numaaish main shreek
Poet : Atta Turaab
No comments:
Post a Comment