Phir se pyaar ka dhokha khaya jaa sakta tha
Dil ka kiya hai , dil behlaya jaa sakta tha
Kiyon wapis na aya jaa kar woh jaane
Lakin us kay paas to jaya jaa sakta tha
Gar na hota mom ki surat dil apna
Gham kay suraj se takraya jaa sakta tha
Aik tumhara saath agar mil jaata to
Saari duniya ko thukraya ja sakta tha
Logon ne mujram tehraya maan liya
Aakhir kis kis ko samjhaya jaa sakta tha
Le dooba jab aankhon ko toofaan "Batool "
Kaisay dil ka shaher bachaya jaa sakta tha
Poet : Fakhira Batool
No comments:
Post a Comment