Raat din hijar ki wehshat bhi nahin rakhni hai
Kisi se ab itni mohabbat bhi nahin rakhni hai
Jis ka jee chahaye hamian tor kay tukray kar de
Is qadar naram tabiyat bhi nahin rakhni hai
Ek do saal kay rishton se hamain kiya hasil
Ek do pal ki rafaqat bhi nahin rakhni hai
Jin se bichrain to sambhalnay main zamanay lag jayein
Aisay logon se murawat bhi nahin rakhni hai
Kiya ajab haal hai chahat kay talab'gaaron ka
Shouq biknay ka hai qeemat bhi nahin rakhni hai
No comments:
Post a Comment