Sard sard mousam main
Zard zard honton pe
Chup ka yeh jo pehra hai
Yeh bhi juram tehra hai
Iss taveel chup ka bhi
Un ke sar hi sehra hai
Sardiyon ki shaamon main
Shaal orhay yaadon ki
Haan kisi ke wadon ki
Chal ae dil tu us waadi
Jis jaga pe kaanton ka
Ik ghana sa jungle hai
Us ghanay se jungle main
Qabar hai shakista si
Us main dafan hain yaadain
Kuch udaas shamon ki
No comments:
Post a Comment