Teri surat nighaon main phirti rahay
Ishq tera staye to main kiya karoon
Koi to aa ke itna bata de mujhe
Jab teri yaad aye to main kiya karoon
MAin ne khaak-e-nashai'man ko bosay diye
Aur yeh keh kar dil ko bhi samjha diya
Ashiyana banana mera kaam tha
Koi bijli giraye to main kiya karoon
Hussan aur ishq dono main tafreeq hai
Kiya karoon mera dono pe emaan hai
Gar khuda rooth jaye to sajde karoon
Aur sanam rooth jaye to main kiya karoon
Main ne maangi thi yeh masjadon main dua
Main jissay chahta hoon woh mujh ko mile
Jo mera farz tha main ne poora kiya
Ab khuda hi na chahe to main kiya karoon
No comments:
Post a Comment