Teri ulfat ne to dewana bana rakha hai
Aur logon ne bhi afsana bana rakha hai
Andhiyaan tez chalein , bujh na sake ga phir bhi
Khoon-e-dil se jo diya hum ne jala rakha hai
Unse khud un ki jafaon ka gila kaisay karain
Hum ne aahon ko bhi seenay main daba rakha hai
Woh jo qaatil hai , sitam'gar hai mohabbat ka meri
Hum ne unwaan-e-ghazal un ko bana rakha hai
Ban kar anjaan sar-e-bazam woh mujh se bolay
Ishq main kis kay bura haal bana rakha hai
No comments:
Post a Comment