Tum aayo to hum bhi eid karain

Tum aayo to hum bhi eid karain 

Hasrat hai tumhari deed karain 

Kuch dair to dil ko chain milay 

Kuch roz to mann kay phool khilain 

Kehtay hain keh eid ki aamad hai 

Hum log bhi kuch taaeed karain 

Tum se ik yeh guzarish hai 

Yeh apnay dil ki khwaish hai 

Ik baar milo, ik baar milo 

Her baar yeh hi takeed karain 

Mana keh hum dewanay hain 

Sab baaton se anjaanay hain 

Jab apnay bhi beganay hain 

Kiya ghairon se umeed karain 

Tum aayo to hum bhi eid karain 

Tum aayo to hum bhi eid karain