Tumhari khamoshi ka sabab janta hoon main

Tumhari khamoshi ka sabab 

janta hoon main 

Roothay huye ho tum 

Manta hoon main 

Par hisar-e-ana main qaid 

Ab ki baar bhi 

Meri yeh khawaish hai 

Keh her baar ki tarah 

Tum hi mujhay manao

Par youn din ka shumar kartay kartay 

Tumhara intizar kartay kartay 

Calender ki taraf dekha 

To khayal aaya 

Ab ki baar main 

Apni ana ko tor don 

Mohabbat ki kahani ko 

Naya ik mor doon 

Shayed isi tor ho jaye 

Meri sari kotaiyon ka tadarak 

Lo aaj main tumhein kehta hoon 

Jaan-e-jaan 

Eid Mubarak