Ussay mujh se mohabbat hai
Wohi takraar lafzon ki
Wohi andeshay furqat ke
Wohi anjaan si dastak
Wohi gum'naam si kasak
Wohi har baat pe larna
Wohi likhna hamaray naam ko be'reham mojon par
Hamaray samnay kachay ghronday tor kar hansana
Wohi apni kitaabon main ghulabi titliyaan rakhna
Wohi be'mahni baaton main hamara zikar le ana
Hamain parde main chup kar dekhna aur muskura dena
Wohi muskaan dheemi se
Wohi chup chaap sa lehja
Wohi be'cahin si halchal
Wohi saaye se ghabrana
Wohi kehnay se kuch darna
Wohi be'waja uth'lana
Sab hi aksar kehtay hain
Ussay mujh se mohabbat hai
No comments:
Post a Comment