Woh to aya tha kai baar mananay mujh ko
Mujh se doori main jo guzri thi sunaanay mujh ko
Main ne hi tark-e-taaluq ki qasam khaa li thi
Yaad aye thay kuch log puraanay mujh ko
Kuch to aadat hai aankhon ko chalak jaanay ki
Kuch khayalaat bhi aatay hain rulaanay mujh ko
Un ko dekhon to dil mera pashemaan ho jaye
Jo dekhatay thay kabhi khwaab suhaanay mujh ko
Us ne ik lamhay main andaaz badal daala "Wasi"
Jis ki qurbat main lagay kitnay zamanay mujh ko
No comments:
Post a Comment