Yeh aalam shouq ka dekha na jaye

Yeh aalam shouq ka dekha na jaye
Woh buut hai ya'khuda dekha na jaye

Yeh kin nazron se tu ne aaj dekha
Yeh tera dekhna , dekha na jaye

Hamesha kay liye mujh se bichar ja
YEh manzar bar'haa dekha na jaye

Ghalat hai jo suna par azmaa kar
Tujhe ae be'wafa dekha na jaye

YEh mehroomi nahin paas-e-wafa hai
Koi tere siwa dekha na jaye

Yahi to aashna bantay hain aakhir
Koi na'ashna dekha na jaye

Faraz apne siwa hai kon tera
Tujhe tujh se juda dekha na jaye

Poet : Ahmed Faraz