Youn hi umeed dilaatay hain zamany wale
KAb palat atay hain bhala chor ke jane wale
Tu kabhi dekh jhulastay huye sehra main darakht
Kaisay jaltay hain wafaon ko nibhaney wale
Un se ati hai tere lams ki khushboo ab tak
Khat nikale huye baitha hoon puraane wale
Aa kabhi dekh zara un ki shabon main aa kar
Kitna rotay hain zamaney ko hansaney wale
Kuch to aankhon ki zubaani bhi keh hi jate hain
Raaz hote nahin sab munh se batane wale
Aaj baizaar hai sitara hai na koi jugnoo
Raabtay khatam huye sab un se milaney wale
No comments:
Post a Comment