Aashiyana jala diya hum ne
Raah ka pathar hata diya hum ne
Koi ulfat ka na kare char'cha
Hukam us ka suna diya hum ne
Aatish-e-ishq thi , bhout munh zor
Lakin us ko bujha diya hum ne
Yaad teri jo kam hui dil main
To dard kuch aur barhaa diya hum ne
Thori si bhi jahan mili ulfat
Khud ko us jaa luta diya hum ne
Shayed us ka idher se bhi ho guzar
Apna gulshan saja diya hum ne
Raazi ho jaye hum se rab-e-qadeer
Sar ko dil bar jhuka liya hum ne
No comments:
Post a Comment