Aisa lagta hai keh jannat se hawa aati hai

Us kay haathon se jo khushboo-e-hina aati hai 

Aisa lagta hai keh jannat se hawa aati hai 

Choomnay daar ko kis dhaj se chala hai koi 

Aaj kis naaz se maqtal se qaza aati hai 

Na kabhi koi kare tujh se tere jaisa salook 

Haath uth'tay hi yahi lab pe dua aati hai 

Tere gham ki yeh bar'hana nahin rehnay deti 

Meri aankhon pe jo ashkon ki rida aati hai 

Us kay chehray ki tamazat bhi hai shamil is main 

Aaj tap'ti hui sawan ki ghatta aati hai 

Ghoomnay jab bhi teray shaher main jaati hai wafa 

Bain karti hui wapis woh sada aati hai 

Hai wohi baat her ik lab pe bhout aam yahan 

Hum se jo kehtay huye un ko haya aati hai 

Poet : Wasi Shah