Wohi aaj hum se khaffa hai jo muddaton meharbaan raha
Na woh pehlay jaisi fiza rahi , na woh pahlay jaisa samaan raha
Pur'kaif thi meri zindagi bas nazar kisi ki hi khaa gayi
Mera haal-e-dil na samjh saka be'khabar yeh saara jahan raha
Wohi chal dia hai nazar chura goya tha kabhi na woh ashnaa
Main samjhi thi hai mufalata mujhay umar bhar yeh gumaan raha
Karain dard apna kaisay biyaan nahin koi apna to raaz'daan
Woh sitam shaar sada ka tha , tha jo meharbaan woh kahan raha
Mujhay aqal kehti thi sabar kar woh hai be'wafa ussay bhool ja
Main ne baat dil hi ki maan li mujhay rokta yeh jahan raha
Ajab doh'raha hai , nahin mil raha kahin raasta
Na to marna mujhay sehal lagay , na hi jeena mujh ko asaan raha
No comments:
Post a Comment