Chalo ik nazam likhtay hain

Chalo ik nazam likhtay hain 

Woh aisi nazam ho jis main 

Kisi ka zikar hi na ho 

Kisi ki fikar hi na ho 

Kisi ki be'wafai ka 

Kisi ki kaj'adai ka 

Kisi kay loat anay ka 

Kisi kay chor janay ka 

Na us main phool hi mehkain 

Parinday tak na cheh'kain

Woh aisi nazam ho jis main 

Kisi ki yaad hi na ho 

Koi fariyaad hi na ho 

Woh aisi nazam ho 

Jis main na baarish ho 

Na baadil ho 

na bheega bheega kajal ho 

Woh aisi nazam ho jis main 

Na shikwa na shikayat ho 

Koi aisi hikayat ho keh 

Jis se dil behal jaye 

MAgar woh nazam main 

kaisay likhon 

Koi bata de na 

Woh aisi nazam haan 

Jis main kisi ka 

Zikar hi na ho 

Kisi ki fikar hi na ho