Aankhon se hi lafzon ko ada kar dia us ne
Chup reh kar bhi izhaar-e-wafa kar dia us ne
Haseen bayaan ka matlab jaana hai main ne aaj
Bin jumbish-e-lab khud biyaan kar dia us ne
Chanchal se muskurahatein , aankhon main shokh pan
Apna mujhay aseer-e-ada kar dia us ne
Mera dil jo kabhi Misl-e-dhoop se mashoor tha
Lamhon main sawan ki hawa kar dia us ne
Laakhon thay us ki surat-o-seerat kay paristaar
Ek mere siwa sab ko fanaa kar dia us ne
No comments:
Post a Comment