Ishq main doob kay , ik sun li qawali main ne
Dil kay haathon se baja daali hai taali main ne
Daikh kar dushman-e-jaan , haasil-e-jaan yaad aya
Mujh se mat pooch keh kiyon aankh jhuka li main ne
Teri yaadon ki hawaein na kisi tour ayein
Asmaan tak hi faseel aik utha li main ne
Main ne her baar teri chah se samjhota kiya
Apne ikhlaas ki kiya khoob saza li main ne
Main ne to aaina dikhlaya tha sachai ka
Aur woh tarpay , unhain di jis tarah gaali main ne
Jis ko kehtay hain bharam zabat-o-tahamal ka faqeer
Toot'nay di na woh bareek si jaali main ne
Dil chura tha mujhay aik haseena ka "Samad"
Apni aankhon ki hi khud neend chura li main ne
No comments:
Post a Comment