Dil ki khawab gaahon main aahaton ka mousam hai
Waqat kay taqazon main chahaton ka mousam hai
Sawano kay aanchal main khwaishain machalti hain
Bheegi bheegi raaton main qurbaton ka mousam hai
Dard phir mehaktay hain january ki raaton main
Dil kay khwaab'gaahon main dharkano ka mousam hai
Neelgon falak se phir kuch udaasiyan utrein
Ghar kay in mundairon par rat'jagon ka mousam hai
Shaakh shaakh phirtay hain barg zada awara
Ab khizaan ki jholi main hasraton ka mousam hai
Sabar ki gharri taalib ikhta'taam ko ponchi
Mehnaton se kuch aagay raahaton ka mousam hai
No comments:
Post a Comment