Dil main lar'zaan hai tera shola-e-rukhsaar ab tak
Meri manzil main nahin raat kay aasaar ab tak
Phool murjhaa gaye , gul'daan bhi gir kar toota
Kaisi khushboo main basay hain dar-o-dewaar ab tak
HAsrat-e-dedaar nihaan hai meray dil main shayed
Yaad ayi hai mujhay qamat-e-dedaar ab tak
Woh ujalay ka koi sail-e-rawan tha , kiya tha
Meri aankhon main hai ik saa'at-e-dedaar ab tak
Taishaa-e-gham se hui rooh to tukray tukray
Kiyon salamat hai meray jisam ki dewaar ab tak
Poet : Shakeb Jalali
No comments:
Post a Comment