Moti haar proye huye
Din guzray hain roye huye
Neend musafir ko hi nahin
Rastay bhi hain soye huye
Jashn-e-bahaar main aa ponchay
Zakham ka chehra dhoye huye
Kabhi na kasht-e-jaan ujri
Khwaab thay aisay boye huye
Us ko paa kar rehtay hain
Apnay aap main khoye huye
Aaj bhi youn hi rakhay rahaye
Saray haar proye huye
Kitni barsaatein guzrein
Us se mil kay roye huye
Parveen Shakir
No comments:
Post a Comment