Abhi kuch aur karishmay ghazal k dekhte hain
Faraz ab zara lehja badal ke dekhte hain
Judayi'an tau muqaddar hain phir bhi jaan-e-safar
Kuch aur door zara saath chal ke dekhte hain
Tu samnay hai tau phir kyun yaqeen nahi aata
Yeh baar baar jo aankhon ko mal ke dekhte hain
Yeh kaun log hain moujood teri mehfil mein
Jo lalachoon se tujhe, mujh ko jall ke dekhte hain
Na tujh ko maat hui hai na mujh ko maat hui
Sau ab k dono hi chaalen badal ke dekhte hain
Bohat dino se nahi hai kuch us ki khair khabar
Chalo Faraz kuu-e-yaar chal k dekhte hain
No comments:
Post a Comment