Hum apnay gham ko saja kar bahaar kar lain gay

Hum apnay gham ko saja kar bahaar kar lain gay 

Teray khyalon ko thora sa pyaar kar lain gay 

Mohabbaton ki kahani , kahani tujhay sunaein gay 

Hawa chalay gi to aanchal ki yaad aaye gi 

Ghatta uthay gi to kajal ki yaad aye gi 

Teray haseen tasawur ko pyaar kar lain gay 

Youn yaad hum bhi tujhay baar baar kar lain gay 

Jo pyaar kartay hain woh in ghamon ko sehtay hain 

Mohabbaton main toofaan aatay hi rehtay hain 

Tumharay naam ko dharkan kay saath rakh lain gay 

Tumharay chehray ko dar'pan kay saath rakh lain gay 

Yeh dooriyon ka samandar bhi paar kar lain gay 

Tamaam umar tera intizaar kar lain gay