Ik lamha to pathar bhi khoon ro jaye
Jab khwabon ka sona matti ho jaye
Ik aisi baarish ho meray shaher pe jo
Saray dil aur saaray dareechay dho jaye
Pehra detay rehtay hain jab tak khadshay
Kaisay raat kay saath koi phir so jaye
Baarish aur namoo to us kay haath main hain
Matti main par beeg to koi bo jaye
Teen ruton tak maan jis ka rasta dekhaye
Woh bacha chothay mousam main kho jaye
Parveen Shakir
No comments:
Post a Comment