Muflisoo! Apnay muqadar se shikayat na karo
Is se insaan kay emaan main faraq aata hai
Hum to na'cheez se banday hain hamain kiya maloom
Kon si baat main kiya maslihat-e-yazdaan hai
Kitna humraah-o-gunnah'gaar huye jaatay hain
Kiya kaha? khanumaan bar'baad huye jaatay hain
Dam ba dam aag kay be'reham laapaktay sholay
Apnay boseeda makaan raakh kiye detay hain
Khaak hi khaak hui jaati hai duniya apni
Aur is aatish-o-zulmat kay sailaab main bhi
Mar'mar-o-aahan-o-seemaan ki imaarat-e-buland
Issi pindaar issi shaan se asteeda hain
Kiya khuda sirf ghreebon pe sitam dhaata hai
Theek kehtay ho magar khaam aqa'id walo
Hum to taqdeer kay banday hain hamain kiya maloom
Kon si baat main kiya maslihat-e-yazdaan hai
Aur phir apni shikayat se bhi kiya hota hai
Wohi hota hai jo manzoor-e-khuda hota hai
No comments:
Post a Comment