Lafaz barhay aur waday phailay dil ki hikayat khatam hui
Wahan hawas ka phann lehraya jahan mohabbat khatam hui
Woh bhi nahin kehta milnay ko hamain bhi kuch israar nahin
Sar se soda utar gaya aur dil se chahat khatam hui
Jitni kam sachai ho gi utni ho gi araaish
Jab mazmoon se lafaz hon zahid samjho ibaarat khatam hui
Jab tak sajda us kay naam pe us kay hazoor se ,tab tak hai
Kaam khuda se kiya yaad aya sari ibaadat khatam hui
Dil kay ghazaal ko sara ram sehra ki wusat deti hai
Shaher-e-rizq main aa nikla aur sari wehshit khatam hui
Parveen Shakir
No comments:
Post a Comment