Meri aankhon kay samandar main jalan kaisi hai
Aaj phir dil ko tarapnay ki lagan kaisi hai
Baraf kay roop main dhal jayein gay saray rishtay
Mujh se poocho keh mohabbat ki agan kaisi hai
Main teray wasal ki khwaish ko na marnay doon ga
Mousam-e-hijar kay lamhay main thakhan kaisi hai
Raah'guzaaron main jo banti rahi kaanton ki rida
Us ki majboor si aankhon main kiran kaisi hai
Mujhay masoom si larki pe taras aata hai
Issay dekho to mohabbat main magan kaisi hai
No comments:
Post a Comment