Mujhay mat batana

Mujhay mat batana

Mujhay mat batana 

Keh tum ne mujhay chornay ka irada kiya tha 

To kiyon 

Aur kis waja se

Abhi to tumharay bicharnay ka dukh bhi nahin kam hua 

Abhi to main 

Baaton , kay wadon kay shaher-e-talismaat main 

Aankh par khush gumaani ki patti liye 

Tum ko pairon kay peechay , darakhton kay jhund 

Aur dewaar ki pushat par dhoondnay main magan hoon 

Kahin pe tumhari sada aur kahin pe tumhari mehak 

Mujh pe hansanay pe masroof hai 

Abhi tak tumhari hansi se nabird aazmaa hoon 

Aur is jung main 

Mera hatiyaar

Apni wafa par bharosa hai aur kuch nahin 

Issay kund karnay ki koshish na karna 

Mujhay mat batana...........

Parveen Shakir