Hamd-e-bari-ta'ala
Mujhay saroor mila hai , teri sanaa akar kay
Sada qareeb hi paya tujhay dua kar kay
Yeh kompalain , yah shagofay , yeh phool , barg-o-shajar
Shagufta rehtay hain , her dam teri sana kar kay
Bara karam hai tera , jo bhi de dia mujh ko
Main dil udaas karon kis liye gila kar kay
Khuda to tu hi hai , kon-o-makaan ka maalik
Main shair kehta hoon , bas tera aasra kar kay
Khata ka putla hoon aur waqat-e-shaam hai mujh par
Guzaar de meray ayaam dil'ruba kar kay
Teray asool hain yaksaan yahan sabhi kay liye
Nijaat pai thi younas(a.s) ne bhi dua kar kay
Yeh phool hamd-o-sana kay khilay rahain "Sohraab"
Khuda qabool kare apna wasta kar kay
Sohraab Jung Ludihanavi
No comments:
Post a Comment