Nahin jo dil main jaga to nazar main rehnay do
Meri hayat ko apnay asar main rehnay do
Koi to khwaab meri raat ka muqadar ho
Koi to aks meri chashm-e-tar main rehnay do
Main apni soch ko teri gali main chor aya
Tum apni yaad ko meray hunar main rehnay do
Yeh manzilain to kisi aur ka naseeb hain
Mujhay faqat apnay junoon kay safar main rehnay do
Haqeeqatein to bhout talkh ho gayi hain Saghar
Meray wajood ko khwabon kay ghar main rehnay do
No comments:
Post a Comment