Rait se butt na bana ae mere achay funkaar
Ek lamhay ko tehar main tujhay pathar laa doon
Main tere samnay ambaar laga doon lakin
Kon se rang ka pathar tere kaam aye ga
Surkh pathar jissay dil kehti hai be'dil duniya
Ya woh pathraai hui aankh ka neela pathar
Jis main sadiyon kay tahiyur kay pare hon dooray
Kiya tujhay rooh kay pathar ki zaroorat ho gi
Jis pe haq baat bhi pathar ki tarah giraati hai
Ik woh pathar hai jissay kehtay hain tehzeeb-e-safed
Us kay mar'mar main siyah kiyon jhalak jaata hai
Ik insaaf ka pathar bhi to hota hai magar
Haath main tesha-e-zar ho to woh haath aata hai
Jitnay mayaar hain is dour kay sab pathar hain
Shair bhi raqs bhi tasveer-o-gina bhi pathar
Mere ilhaam tera zehan-e-rasaa bhi pathar
Is zamanay main her funkaar nishaan pathar hai
Haath pathar hain teray , meri zubaan pathar hai
Rait se butt na bana ae mere achay funkaar
No comments:
Post a Comment