Haakim-e-shaher bata
Waqat kay shikanjon ne
Khwaishon kay phoolon ko
Noch noch tora hai
Kiya yeh zulam thora hai
Dard ki zanjeeron ne
Aarzoo kay jeewan ko
Maqbaroon main dala hai
Zulmaton kay daairay hain
Log sab lutaray hain
Mout rooth baithi hai
Zaat raiza raiza hai
Zindagi teray haathon
Pa'maal hai jana
Ik sawaal hai jana
Kaisay maan loon jeewan
Saans hi nahin koi
Karb karb lamhay yeh
Baar baar dastay hain
Log hum pe hanstay hain
Taar taar aanchal hai
Dard dard jeewan hai
Shabnami si palkain hain
Qurb hai na doori hai
Zindagi adhoori hai
Ab yaqeen aya hai
Mout bhi zaroori hai
No comments:
Post a Comment