Wusat-e-chashm-e-tar bhi daikh'ain gay
Hum tujhay bhool kar bhi daikh'ain gay
Zakham pe sibat kar na lab apnay
Zakham ko chaara gar bhi daikh'ain gay
Hijar ki shab se hoslay apnay
Bach gaye to sehar bhi daikh'ain gay
Ik dua dil se chup kar maangi thi
Us dua ka asar bhi daikh'ain gay
Ik purana safar to khatam hua
Ik nayi raah'guzar bhi daikh'ain gay
Gin to lenay do be'kafan laashain
Be'sada baam-o-dar bhi daikh'ain gay
Raat honay do , log sonay do
Chaand ko dar'badar bhi daikh'ain gay
Chair kar dil ki raakh ko "Mohsin "
Ab kay raqas-e-shrar bhi daikh'ain gay
Poet : Mohsin Naqvi
No comments:
Post a Comment