Ajab hi dhang hain is kay

Mohabbat phir mohabbat hai 

Kabhi dil se nahin jaati 

Laakon rang hain is kay 

Ajab hi dhang hain is kay 

Kabhi sehraa

Kabhi dariyaa

Kabhi jugnoo

Kabhi aansoo

Hazaron roop rakhti hai 

Badan jhulsa kay jo rakh dy 

Kabhi woh dhoop rakhti hai 

Kabhi ban kar yeh aik jugnoo

Shab-e-gham ki andheron main 

Dilon ko aas deti hai

Kabhi manzil kinaaray par 

Sadiyon kay musafir ko 

Faqat aik pyaas deti hai 

Aziyat hi aziyat hai 

Mohabbat phir mohabbat hai 

Kabhi dil se nahin jaati