Ana pe chot paray bhi to kon dekhta hai

Ana pe chot paray bhi to kon dekhta hai

Dhuwaan sa dil se uthay bhi to kon dekhta hai

Mere liye kabhi matti pe sardiyon ki hawa

Tumhara naam likhay bhi to kon dekhta hai

Ujaar ghar kay kisi be'sadaa dareechay main

Koi chragh jalay bhi to kon dekhta hai

Hajoom-e-shaher se hat kar , hadood-e-shaher kay baad

Woh muskuraa kar milay bhi to kon dekhta hai

Jis aankh main koi chehra na koi aks-e-talab

Woh aankh jal kay bujhay bhi to kon dekhta hai

Mile baghair jo mujh se bichar gaya "Mohsin"

Woh raastay main rukay bhi to kon dekhta hai