Aur teri judai kay zakham bhi chuppanay hain

Ab ki baar mousam main sakhtiyaan bhout hon gi 

Din ki roshni main tareekiyaan bhout hon gi 

Qeh'qahon kay peechay bhi dard cheekhtay hon gay 

Meray dil kay aalam ko 

Aur meray her gham ko 

Koi poochnay wala , haan , magar nahin ho ga 

Hijar ki aziyat main ashk to bhout bahaanay hain 

Teri sard'mehri ne yeh bhi dil dikhaanay hain 

Rutt bahaar ki ho gi 

Aur dil pe patt jhar ka saniha barpa hoga 

Koi mil raha ho ga 

Aur koi juda ho ga 

YEh jo hadsa ho ga is se barh kay kiya ho ga 

Apni kushak aankhon main dard kay sailaabon ko 

Sabar se chupana hai 

Aur teri judai kay zakham bhi chuppanay hain 

Teri sard mehri ne yeh din bhi dikhaanay hain