Behtay paani main phool
Ussay behta hua paani acha lagta hai
Bas isi liye
MAin behtay huye paani main phool phainkta rehta hoon
Yeh baat ussay aur bhi achi lagti hai
Tairatay huye yeh phool
Anjaani manzil ki taraf chalay jaatay hain
Bil'kul hamari tarah
MAgar paani par phoolon kay tairanay ka manzar bhout acha lagta hai
Paani waqat ki tarah rawaan dawaan hai
Ya waqat paani ki tarah
Hum phoolon ki tarah hain ya
Phool hamari tarah
Paani phoolon ko jaldi bikharnay nahin deta
Bilkul waqat ki tarah yeh bhi marham hai
Ussay behta hua paani acha lagta hai
Aur mujhay us main phool phainkana
Rawaan dawaan paani zindagi hai
Aur phool is ki khoobsurti
Zindagi khoobsurat hi achi lagti hai
No comments:
Post a Comment