Bhujha diye hain khud apnay haathon mohabbat kay diye jala kay
Meri wafa ne ujaar di hain umeed ki bastiyaan basa kay
Tujhay bhula dain gay apnay dil se yeh faisala to kiya hai lakin
Na dil ko maloom hai na hum ko Jeeyein gay kaisay tujhay bhulaa kay
Kabhi milain gay jo raastay main to munh phaira kar palat parain gay
Kahin sunain gay jo naam tera to chup rahain gay nazar jhukaa kar
NA sochnay par bhi sochti hoon keh zindgaani main kiya rahaye ga
Teri tamana ko dafan kar kay tere khyalon se door jaa kay
No comments:
Post a Comment