Tere jamaal se her shai main zindagi ayi
Bujhay bujhay se chraghon main roshni ayi
Is ka naam hai shayed mazaaq-e-aaina
Mujhay khud apnay khad-o-khaal par hansi ayi
Woh mujh se toot kay jab mud'daton kay baad mila
Chamak nigah main chehray pe taazgi ayi
Gharaz ka chehra kabhi saaf nahin ho sakta
Isi liye tere ikhlaas main kami ayi
Woh tera qurb tha ya ik haseen lamha tha
Meri hayaat main jis waqat roshni ayi
No comments:
Post a Comment