Dareechay se jhaankti woh larki ajeeb dukh se bharri hua hai

Dareechay se jhaankti woh larki ajeeb dukh se bharri hua hai

Keh is kay aangan main phool par aik titli mari hui hai

Kabhi azaano main khoi khoi , kabhi nimaazon main roi roi

Woh aisay duniya ko dekhti hai keh jaisay is se dari hui hai

Dard se mehki mehki saansain , wazeefa parhti hui woh aankhain

Keh woh shamma-e-umeed in main kai baras se dharri hui hai

Woh dukh ki chadar main lipti lipti , woh kaalay kapron main simti simti

Mohabbat us ne kisi se shayed meri tarah hi kari hui hai

Baray zamano kay baad barsi hain meri aankhain kisi ki khatar

Baray zamano kay baad dil ki zameen phir se hari hui hai