Ussay kehna december aa gaya hai
December kay guzartay hi
Baras aik aur manzil ki ghupa main doob jaye ga
Ussay kehna december loat aya ga
Magar jo khoon so jaye ga jismon main na jaye ga
Ussay kehna hawaein sard hain
Aur zindagi kay kohray dewaaron main larzaan hain
Ussay kehna shagoofay tehniyon main so rahay hain
Aur un par barf ki chadar bichi hai
Ussay kehna agar suraj na niklay ga
To kaisay barf piglay gi
Ussay kehna
Keh
Loat aye
No comments:
Post a Comment