Andesha-e-zawaal se aagay nahin gaya
Dekha main kis kamaal se aagay nahin gaya
Shayed mera khayal haqeeqat shnaas tha
Yehni teray jamaal se aagay nahin gaya
Amaal ka hisaab woh lenay ko aye thay
Lakin main qabal-o-qaal se aagay nahin gaya
Duniya badal gayi , magar aya nahin jawaab
Main aisay ik sawaal se aagay nahin gaya
Bas door door hi se behalta raha yeh dil
Janay kis ehtamaal se aagay nahin gaya
Dukh sukh main kiya woh saath nibhaata jo umar bhar
Apni hi dekh bhaal se aagay nahin gaya
No comments:
Post a Comment