Talaash-e-manzil kay marhalon main yeh haadsa ik ajab dekha
Fraib raahon main baith jaata hai surat-e-aitabaar ban kar
Yeh kiya qayamat hai baaghbaano ki jin ki khaatar bahaar ayi
Wohi shagoofay khatak rahay hain tumhari aankhon main khaar ban kar
Bahaar ki bad'naseeb raatein bulaa rahi hain chalay bhi aao
Kisi sitaaray ka roop lay kar kisi kay dil ka qaraar ban kar
Ghroor-e-hasti ne maar dala wagarna hum log jee hi letay
Kisi ki aankh ka noor ho kar kisi kay dil ka qaraar ban kar
Diyaar-e-peer-e-magan main ik haqeeqat khul gayi saagar
Khuda ki basti main rehnay wale loot letay hain yaar ban kar
No comments:
Post a Comment