Bara-e-naam sahi koi meharbaan to ho
Hamaray sar pe bhi honay ko aasmaan to ho
Teri faraakh'dili ko duaein deta hoon
Meray labon pe teray lams ka nishaan to ho
Yeh aur baat keh woh ab yahan nahin rehta
Magar yeh us ka basaya hua makaan to ho
Ilaawa is kay na kuch aur parda rakh mujh se
Fasal-e-jisam mere teray darmiyaan to ho
Bichar kar zinda nahin reh sakain gay hum dono
Mujhay yeh weham to hai us ko yeh gumaan to ho
Saron pe saya figaan abar-e-arzoo na sahi
Hamaray paas sarabon ka sayebaan to ho
No comments:
Post a Comment